السيسى يوجه رسالة للمصريين مفيش بناء بدون ترخيص عشان ينتبهوا إن عودة الدولة وهيبتها أمر مشترك بين الدولة وأجهزتها مع المواطنين

كتب : وراء الاحداث

وجه الرئيس عبد الفتاح السيسى، رسالة للمصريين، قال فيها: “أقول ذلك للمصريين عشان ينتبهوا إن عودة الدولة وهيبتها أمر مشترك بين الدولة وأجهزتها مع المواطنين”.

وشدد الرئيس :” إننا لما نقول مفيش بناء بدون ترخيص ، نحافظ على كده .. هذه الرخصة عقد بين صاحب العقار الذى يبنى والدولة ، عقد يعني ايه ، يعني التزام ، بتقول أنا هبني 4 أدوار وتحتيهم جراج ، وتسأل لماذا لا تستخدم الجراج ، دا عقد .. لازم تنفذ بنود العقد .. علشان مصلحتنا .. كل ده احنا بنحاول نحل مسائل في العاصمة القديمة .. لكى لا يقال إن الدولة ستذهب إلى العاصمة الجديدة وتترك الناس في القاهرة .. لا .. كل الناس في مصر في رقبتنا .. نعمل في كل حته اللي ربنا يقدرنا عليه “.

وطالب الرئيس عبد الفتاح السيسي، خلال افتتاحه عدد من المشروعات القومية اليوم، بضرورة وجود جميع البيانات الخاصة بكل مزارع في الأراضي المستصلحة، وتساءل.. هل كل مزارع في الأراضي المستصلحة بمختلف المحافظات حيازته الزراعية وأراضيه مقننة؟.

كما طالب «السيسي»، خلال افتتاحه لمشروع محطة معالجة مياه الصرف الزراعي بالمحسمة في الإسماعيلية، أن يكون الحديث عن تعمير سيناء بشكل موضوعي وعلمي، مضيفا «اللي إحنا بنعمله ده بفضل الله، وكان لا يمكن يتعمل أبدًا في المدة الزمنية الصغيرة دي».

وهنأ الرئيس السيسي، الشعب المصري بنسيجيه المسلمين الذين يستعدون لاستقبال شهر رمضان المعظم، والأخوة المسيحيين الذين يحتفلون بعيد القيامة المجيد

أكد الرئيس عبد الفتاح السيسي ، اليوم الأربعاء :” أننا حرصنا على توفير كل وسائل الأمان في كل مواقع العمل وتوفير التأمين اللازم للعمالة”.

وقال الرئيس السيسي – خلال افتتاح نفق الشهيد أحمد حمدي(2) – :” أقول رسالتي للعمالة ، نحرص على أننا نوفر في كل مواقع العمل المختلفة التأمين اللازم ، وسوف نؤمن أكثر بالتنسيق مع وزارة الصحة والشركات ووزارة الدفاع حتى نستطيع أن نكمل .

ولفت السيسى  :” أي مواطن يريد أن يعمل ، من فضلك توجه إلى العاصمة الإدارية ، توجه إلى رشيد ، توجه إلى المنصورة الجديدة ، توجه إلى العالمين .. فيه شغل “.

وقال الرئيس السيسي ، ” أقول للمصريين ، انتوا عارفين 40 كوبري بكام .. كلمة كام لازم دايما تكون حاضرة .. لو أنت قلت متوسط سعر الكوبري 400 مليون جنيه يعني 16 مليار جنيه أو 300 مليون يعني 12 مليار جنيه.. احنا مش بنعمل كوبري بس .. احنا بنعمل محور .. يعني بناخد طرق وبنغير لو أتيحت فرصة بنغير مواسير المياه … أريد أن أقول إننا بنسير بمعدلات فيها كثير من كرم ربنا سبحانه وتعالى”.

وأكد الرئيس السيسي :” أن الحكومة تعمل ليلا ونهارا لتحقيق معدلات النمو التى نحلم بها ، والتي تأثرت كثيرا بالظروف التي نمر بها في مصر .. احنا مصرين أننا نشتغل بنفس المعدلات ويمكن زيادة بس انتو لازم تبقوا معانا .

وتساعدوا معانا في الأمر ، أقول هذا الكلام لانه جاءتني شكوي بشأن كوبري العروبة .. قالوا خلي الناس تبطل شغل باليل .. أنا قولت لهم ” والله العظيم الدق في دماغي 24 ساعة .

بس أنا مش هبطل”.