السيسي يهاجم دولًا «تكرس أموالها لهدم مصر والامة»: «الدنيا هتحتار في اللي إحنا هنعمله» ويحذر المصريين من الخائنين والمتأمرين ويؤكد ثقته فى وعى الشعب ودعمه

كتب : وراء الاحداث 

حذر الرئيس عبد الفتاح السيسى المصريين من الخئنين والمتأمرين على مصر لعرقلة مسيرتها قائلا “أوعى حد يضحك عليكم.. بكلام كذب وجهل.. وأقسم بالله يرقى للخيانة والتأمر.. وانا بقسم بالله.. ده تأمر.. بتهدوا الدول ليه؟.. مش عاوز تساعد احنا متشكرين.. بس كمان ابعدوا عننا بشركم.. دى فيها 100 مليون.. عاوزنها تتقاتل وتتخرب.. احنا بنصلح اللى بقاله سنين متساب.. ومصرين”.

وأضاف الرئيس السيسى خلال كلمته فى افتتاح عدد من المشروعات التعليمية الجديدة بمحافظة الإسكندرية ان “الحكومة بتتحرق معايا وكل ما يعلموا اقول لسه.. مش كده والله العظيم الحكومة بتتحرق معايا.. عشان مصر مش تتحرق.. عشان اللى ضمايرهم ضاعت.. ومش همهم 100 مليون.. ويزروا والاساءة وتشكيك الناس البسطاء.. هتروحوا من ربنا فين لما تضيعوا 100 مليون”.

قال الرئيس عبدالفتاح السيسي، خلال افتتاح الجامعة المصرية اليابانية بالإسكندرية، اليوم الأربعاء، إنه يثق في وعي المصريين، وأكد: «رهاني دائمًا على وعي الشعب المصري ودعمه للدولة في مواجهة التحديات».

وتابع السيسي، «في دول شقيقة بتقف جنبنا وتدعمنا، لكن بقول للتانيين، كفوا ألسنة الكذب والتشكيك عنا، وخلوا الأموال اللى ربنا رزقكم بيها للبناء مش للهدم، بدل ما يساعدوا بيحاولوا يهدموا البلد.. بيدفعوا فلوس وبيجندوا إعلامهم لهدم مصر».

وأضاف: «بفضل الله هانعمل كل شئ جميل لبلدنا، الدنيا هتحتار في اللى إحنا هانعمله».

تساءل الرئيس عبدالفتاح السيسي، خلال افتتاح الجامعة المصرية اليابانية بالإسكندرية، وقال «هو أنا ضيعتكم؟ أنا قدمت نفسي فدا مصر، هو الكهرباء لسه بتقطع؟». 

إن «اللى بيألمني أننا نرى البعض منهم، لما الصورة اتغيرت، بدل ما يمد ايد التعاون لمصر، بيدوروا على هدم مصر، بيجهزوا قنواتهم عشان يهدوا بلد».

وأضاف: «لما مصر كانت كويسة كنا بنساعد كل الناس بقول للمصريين، هو ده رد الجميل للى اتعمل خلال الـ100 سنة اللى فاتوا، ده رد الجميل أنهم عاوزين يهدونا، بقول للمصريين، إوعوا حد يهد بلدكم ويقول كلام كدب وجهل».

وتابع: «عاوزين تهدوا الدول ليه؟ ابعدوا عننا بشركم، ده فيها ملايين الناس، عاوزينها تتخرب، إحنا بنصلح اللى بقاله سنين متساب». 

كما وجّه الرئيس عبدالفتاح السيسى، خلال افتتاح الجامعة اليابانية المصرية بالإسكندرية، الأربعاء، رسالة للمصريين، وقال: «قبل 100 عام كانت ظروفنا الاقتصادية أفضل، وكنا نساعد الدول، ولكن لما الصورة تغيرت لم يساعدنا من ساعدناه».

وأضاف: «بدل ما يساعدوا بيحاولوا يهدموا البلد.. بيدفعوا فلوس وبيجندوا إعلامهم لهدم مصر».

وتساءل السيسى: «هو دا رد الجميل؟ أقول للمصريين اوعوا حد يهد بلدكوا.. أقسم بالله دا يرقى لحد الخيانة والتآمر».

وتابع: «الحكومة بتتحرق معايا.. كل ما يعملوا أقولهم مش كفاية.. الحكومة بتتحرق عشان متتحرقش مصر».

قال الرئيس عبدالفتاح السيسي إن الدولة مستعدة لتوفير أماكن لإقامة الملتحقين بمبادرة «بناة مصر» الرقمية وتقليل فترة الدراسة.

وأضاف السيسي، في كلمته اليوم الأربعاء، خلال افتتاح عدد من المشاريع التعليمية بالإسكندرية: «مستعدين نوفر مكان للإقامة الكاملة للطلاب الملتحقين بالمبادرة، وهناك أماكن للجميع فيها، وأتمنى أن تصلكم الرسالة، الدولة دي قاعدة صاحية اوي في كل شيء وهناك دول مجاورة سبقتنا بـ 25 سنة في الذكاء الاصطناعي».

وتابع: «إحنا بنخرج مئات الآلاف كل عام من الطلبة، لكن السؤال هل هم جاهزين ومؤهلين لسوق العمل، هو ده اللي مفروض الآباء يدوا أبناءهم دروس خصوصية فيه».

وأردف: «الآن أصبحنا ننافس والفرص موجودة والدولة على استعداد لتكثيف مدة التأهيل لعدم إهدار الوقت، حيث تستغرق عامين لعام واحد».