السيسى : «إزاى تحطوا جوامع ربنا في مكان مخالف».. السيسي يعلق على إزالة مساجد بمحيط ترعة المحمودية

كتب: وراء الاحداث

شدد الرئيس عبدالفتاح السيسي، على ضرورة أن يتم محاسبة المخالفين.

وقال في كلمته خلال افتتاح مشروع «بشاير الخير3»، بالاسكندرية: «أنا بقول للمحافظ اعرف انت مين، ولمدير الأمن أعرف أنت مين، ومأمور القسم كمان، الأمن مش انك تمسك إرهابي أو مجرم ..الأمن إنك تمنع فاسد أن يفسد في الأرض وفي بلده».

وعن إزالة عدد من المساجد في محيط ترعة المحمودية، قال السيسي: «لما جينا نشوف موضوع ترعة المحمودية كان في جوامع موجودة.. وقالوا ازاي تشيلوا جوامع ربنا.. أنا بقول وانت ازاي تحط جوامع ربنا في مكان مخالف».

وتابع: «بناء الدولة القوية يتطلب تنفيذ القانون من جميع الأفراد ومحاسبتهم على ما يقومون به».

شدد الرئيس عبدالفتاح السيسي على ضرورة أخذ إجراءات حاسمة ضد كل المخالفين في مجال البناء. 

وتابع في كلمته خلال افتتاح مشروع «بشاير الخير3»، بالاسكندرية: «من الضروري أخذ إجراءات حاسمة ضد المخالفين، لو في 10 آلاف مخالفة يبقي في 10 ألاف شخص تم القبض عليه، أنا بقولها وكل مصر تسمعها ويتحول للنيابة، احنا هنفضل نجري وراء العشوائيات لبقية عمرنا، لازم يكون هناك اجراءات حاسمة ضد المخالفين».

وكان السيسي وجه المحافظين على ضرورة دراسة تراخيص البناء قبل منحها للمواطنين، قائلاً: «من حقك كمحافظ تقول لا لو سمحت مش هطلع تراخيص إلا لما أدرس الموقف عندي، لما نشوف عدد المخالفات الموجودة أمر خطير جدا» .

ووجه السيسي، الدكتور مصطفى مدبولي، رئيس مجلس الوزراء، والفريق كامل الوزير، وزير النقل، بضرورة تعويض 2000 منزل متضررين من الوصلة الجديدة لميناء الإسكندرية.

وقال: «لو عايز تشيل المشهد الحالي من محور حركة الترعة أو الكوبري بتتكلم في 2000 وحدة في نجع الألومنيوم، تدفع تمنهم يا كامل ودولة رئيس الوزراء موجود، في إطار تطوير ميناء الإسكندرية ونسكن الناس ونخلي المنطقة دي ونبطن الترعة بحيث تبقى الحركة على المحور حرة».