هروح من ربنا فين لو قفلت معبر رفح.. أبرز رسائل الرئيس السيسى بعيد الشرطة.. إنفوجراف
كتب : وراء الاحداث
قال الرئيس عبد الفتاح السيسي، إن “ذكرى اليوم فى عيد الشرطة تأتي فى وقت محوري تواجه فيها منطقتنا تحديات غير مسبوقة، وتواجه مصر فيه واقعا إقليميا خطيرا يتشابك مع ظروف دولية لم يشهدها العالم منذ عقود طويلة”
• هروح من ربنا فين لو قفلنا معبر رفح فى وجه مساعدات غزة
• معبر رفح مفتوح على مدار 24 ساعة فى 7 أيام فى 30 يوما
• الإجراءات اللى بتتم من الجانب الآخر “إسرائيل” علشان ندخل المساعدات هى السبب
وده شكل من أشكال الضغط اللى بيمارسه الجانب الإسرائيلى على القطاع
• حل مشكلة الدولار من خلال زيادة موارده عشان نقدر نغطى الاحتياجات
• مصر أمانة وكل حاجة تهون إلا بلدنا
• أسجل احترامى وتقديرى للمصريين.. والأزمة الحالية لها حلول
• الدول بتمشى بالسياسات والقوانين والعمل وحريصون على ضبط الأسواق
• بنشترى سلعا أساسية ووقودا بمليارى دولار شهريا
• محتاجين نعمل حوار أعمق وأشمل فيما يخص الاقتصاد
• الحوار الوطنى كان فرصة نتكلم فى مواضيع كتيرة
• لن يتوقف الحوار ومجلس الأمناء هيبقا مسئول إنه يبقا مستمر علشان الحيوية اللى حققها خلال الفترة اللى تم فيها
• كل حاجة تهون المهم سلامة مصر
قال الرئيس عبد الفتاح السيسي، إن أحداث عام 2011 كانت تستهدف أنه يكون الشعب فى مكان والحكومة فى مكان آخر “ضد بعض”، متابعا: “يعنى يبقى احنا وانتوا.. يبقى الشعب فى مكان والحكومة فى مكان تانى.. الشعب فى مكان والداخلية فى مكان.. تقليب الرأى العام يقوم بدور سلبى ويحفز ويدفع ويسئ للأجهزة والدولة حتى يقوم الرأى العام مثل فى 2011.. واللى حصل للشرطة مش اقتحام سجون.. قعدنا نرمم العلاقة بين الشعب والشرطة والدولة سنتين تلاتة.. ولم يكن أمر يسير وسهل.. محتاج برامج ودعم وصبر”.
وأضاف الرئيس السيسي خلال كلمته فى حفل عيد الشرطة: “بقول الكلام لازم دايما صف واحد ومكان واحد وكتلة واحدة.. أى تحدى وصعوبات تعدى علينا ولو احنا مع بعض.. وممكن تعمل مشكلة كبيرة زى 25 يناير لو بقينا احنا واحد كلنا”.
