الرئيس السيسي: تجهيز 16 ألف فدان “صوب زراعية” يحتاج إلى 16 مليار جنيه
كتب: وراء الاحداث
تحدث الرئيس عبد الفتاح السيسي، عن مشروعات الصوب الزراعية، قائلا: “الصوب الزراعية بالنسبة لي محطة تحلية.. بدل ما اعمل محطة تحلية واخد المياه ازرع بيها.. قولت نعمل الصوب الزراعية.. بياخد كمية مياه أقل من الفدان اللى بيتزع حتى ري حديث.. لو كنت بزرع 10 -20 ألف متر مياه.. في السنة.. بالصوب الزراعية الكمية تنخفض بنسبة 50-60 %”.
وأضاف الرئيس السيسى، خلال كلمته في افتتاح مشروع مستقبل مصر للإنتاج الزراعي: “الفدان يتكلف مليون جنيه وأكثر.. بنية أساسية بس.. الصوب الحديد كانت بمليون جنيه لتغطية 16 ألف فدان بـ 16 مليار جنيه.. كمية الـ 16 ألف فدان.. يساوي 4 آلاف فدان.. وحجم التشغيل.. نظريا طرح الموضوع من 4 – 5 سنين 50 ألف فدان صوب زراعية وبعدين نتكلم عن 100 ألف فدان”.
وتابع الرئيس السيسي: “الأرقام مش موضوعية خالص.. هتتكلف الفدان وفق مشروع الصوب مليون ولا 2 مليون هيجيب كام.. المستثمر يقولك مش هعملها إلا كنت هتصدر.. التصدير لأنه الكيلو هنا مثلا بـ 5 جنيهات 10 جنيهات.. بس في التصدير بنتكلم عن 2 و3 يورو.. ده منطق اقتصادي نحترمه”، متابعا: “لكن الدولة لها مسار آخر.. هتفضل تقول كلام مش يتعمل.. وتقول حلول مش تتنفذ.. تقول حلول والنتيجة صفر.. لانك قولت مش تابعت ومش نفذت.. الأرقام المطلوبة دي اتحققت”.
كما وجه الرئيس عبدالفتاح السيسي بدراسة إنشاء أسواق كبيرة داخل نطاق القاهرة والجيزة، بهدف السيطرة على الأسعار حتى نهاية العام، قائلا: “كنت وجهت الدكتور مصطفى والمحافظات ووزارة الداخلية والتنمية المحلية بدراسة إمكانية أن الأراضى الفاضية فدانين في مصر الجديدة مثلا أو مدينة نصر أو آى حتة تقدر تستوعب السوق ده”، إحنا مستعدين نتحرك في برنامج سريع نعمله، ونخلى الأسواق الرئيسية، وتجار الجملة اتيح له يخش هنا، أعمل 20 سوق في القاهرة والجيزة بالمناطق دي، تتعرض عليا الخطة بس بشرط أنا عملت كل ده علشان يبقا هامش الربح قليل”.
وأضاف الرئيس السيسي خلال كلمته في افتتاح مشروع مستقبل مصر للإنتاج الزراعي، :”عاوز تخلى الرقابة على الأسواق وعدم استغلال الظروف يجب توفير المعروض بشكل غير تقليدي عبر هذه الأسواق، التجزئة أمامه حل من الاثنين ييظبط سعره يا إما يظبط سعره برضه، إحنا مسؤولين كدولة يا دكتور مصطفى على أن تفضل المنتجات متسيطر على أسعارها حتى نهاية هذا العام.
وتابع الرئيس: “وجهدنا مع بعضنا كلنا وكمؤسسات ومجتمع مدني وغرف مع الأسواق لا ينتهى حتى تنتهي الأزمة بتداعياتها، والأراضى دى ممكن تكون بتاعت ناس مش هناخدها، هنستخدمها بشكل مؤقت، وندفع مقابل ذلك “إيجار” حتى تنتهى الأزمة، بدل شادر القماش”.
وتحدث الرئيس عبد الفتاح السيسي، عن وعى المواطنين، قائلا: “”لما بيحصل كلام عن ارتفاع بعض الأسعار مش بقلق علشان عارف إن المواطن واعى”.. بس تتكلم فيه كأنه حالة أو حكاية ده مش صحيح.. أو حتى لو كان الحقيقة.. مش بقولك غش أو زيف.. لا تقول للناس وتفهمها”.
وأضاف الرئيس السيسي، خلال كلمته في حفل افتتاح مشروع “مستقبل مصر”: “ارجو أن الناس مش تفهمنى غلط فيه.. النبي محمد صلى الله عليه وسلم، حبس وحصر في “شعب مكة” 3 سنوات.. وكان سيدنا جبريل ينزل عليه بالوحي.. لا الصحابة والتابعين ساعتها كانوا بيقولوا عاوزين نأكل أو فجرنا المياه من تحتنا.. ده ربنا بقي كن فيكون.. 3 سنين وصلوا إلى أنهم يأكلوا ورق الشجر.. إحنا مش كده.. إحنا أصلب من كده بكتير.. شكرا”.
