أخبار مصرعاجل
الرئيس السيسي: “الموانئ والمطارات يتم طرحها أمام القطاع الخاص للتشغيل فقط” ويكشف بنضيف 7 ملايين متر للإسكندرية وبنعمل أحسن ميناء فى الدنيا
الرئيس السيسى: "دولة زى مصر عاوزة تريليون دولار فى السنة تصرفه"ونحتاج 250 مليار دولار لتطوير التعليم لنصل لجودة الدول المتقدمة ويشدد"عاوزين البلد تطلع لقدام؟ يبقى لازم كلنا نحشد ونشتغل"
الرئيس السيسي: “الموانئ والمطارات يتم طرحها أمام القطاع الخاص للتشغيل فقط” ويكشف بنضيف 7 ملايين متر للإسكندرية وبنعمل أحسن ميناء فى الدنيا
كتب :وراء الاحداث
قال الرئيس عبد الفتاح السيسي، إن الموانئ التى تنفذ داخل مصر يتم طرحها للتشغيل للقطاع الخاص، “أنا بقول للقطاع الخاص المصرى أنت مستعد تدخل معانا، أنا خلصت وأنت مش هتتكلف حاجة، عايز تجيب تحالفات تشتغل معاك ومعانا”.
أضاف الرئيس السيسي، في كلمته بالجلسة الختامية للمؤتمر الاقتصادي: “أنا بتكلم على اللي خايف على أصول مصر، ولما اتعمل الصندوق بتاعنا اتقال أنت بتبيع الحاجة وأصولنا! أنا جبت الموضوع بتاع الموانئ كموضوع نشوفه مع بعض، أنا علشان أعمل ده كنت هدخل في نقاش لمدة 4 أو 5 سنين علشان حد يجي ياخد، ولما ياخد يجيب تمويل علشان يعمل، وبعد ما يمول يبدأ يشغل، يعنى هأجل الشغل 10 سنين”.
وأكمل: “وقت العمل أنا ضاغط على الدنيا كلها علشان تخلص إمبارح مش السنة الجاية، إذا المسار المسئول عن الدولة لو لم ينتبه له، مش هيتحرك، الموانئ اللي بنتكلم عليها بطرحها تشغيل بس.. دي حاجتي.. عايز تخش تشتغل اتفضل، والكلام ده ينطبق على المطارات والبنية الأساسية للدولة كلها، والسكة الحديد”.
أكد الرئيس عبد الفتاح السيسي، أن الأمن القومى المصرى مرتبط بالجيش، قائلا: “الأمن القومي المصرى متعلق في رقبته.. يكمل ويدعم ما أمكن.. أيوة”، ممازحا رئيس الوزراء: “يعني الكلام ده هيزعل الدكتور مصطفي.. والله هيزعل الدكتور مصطفي.. ازعلك يعني يا دكتور مصطفي.. أنا على الهواء”.
وأضاف الرئيس السيسي، خلال كلمته في الجلسة الختامية للمؤتمر الاقتصادي: “الميناء اللى بنتكلم عليه بقى أحسن ميناء في الدنيا.. مين عنده حل تانى من أبو قير ادخل 3-4 كليو.. علشان اضيف 7 ملايين متر لمدينة الإسكندرية اللى غرقانة في التجاوز.. 7 ملايين متر.. أرصفة 22 مترا.. مين ده.. مين اللى بيعمل الرصيف 15 كيلو”.
علق الرئيس عبدالفتاح السيسي، على دعوة اقتصادي ومسؤول سابق بزيادة المعاشات قائلا: “لما اتحلت المسألة مسمعتش حد يتكلم.. لقيت حد بيتكلم ويقول متزودوهم بقا.. واللى بيتكلم عن الزيادة راجل اقتصادي وكان مسؤول في البلد، انت بتتكلم بفهم وعلم ومسؤولية وأمانة ولا إيه؟.. بتكلم على الهواء.. إيه اللى إنت بتقوله ده؟.
أضاف الرئيس السيسي خلال بالجلسة الختامية بالمؤتمر الاقتصادي مصر 2022: “لو أنا مش عارف شغلي معرفش أقف الوقفة دي، لو مش عارف أنا بعمل إيه؟ مش هعرف أقف الوقفة دي خالص، وكل واحد يقول اللى هو عاوزه وأقعد أسمع منه قال بتعلم يعنى ..لا لا لا لا والله كل موضوع في أى قطاع من قطاعات الدولة أخدت جهد من أول ما بدأنا ولحد دلوقتي ولغاية لما أمشى من هنا وجهد مش تنظير”.
تابع الرئيس: فكرة حل المسألة ، حد تاني يقولى طيب ما انت بتنفق أهو ..ما انت معاك فلوس اهو؟ طيب ماشى ، هو كل اللى معايا كام؟ ..دولة زى مصر بعدد سكانها عاوزة تريليون دولار في السنة تصرفه يعني 19 أو 18 تريليون جنيه.. الموازنة كلها كام؟ 2 تريليون وشوية نصهم ايه؟ مش كده.. لو مش منتبهين ان ده حال مصر هنتكلم لغة مختلفة وتشكل رأى عام على أن الدولة والقائمين عليها هيضيعوها وأخشى أن اللى بيضيعوها هما اللى بينظروا عليها.. علشان كده كنا محتاجين نعمل ده في كل شيء الاقتصاد والتعليم ونتكلم كتير واللى عندنا وحد يطرح حلول ونشوف الحلول نقدر نعمل منه قد إيه نفس الكلام فى الإعلام.
أكدالرئيس السيسي خلال الجلسة الختامية للمؤتمر الاقتصادي مصر 2022: “25 مليون دول كام للواحد في السنة، في الدول المحترمة والقادرة بتدفع 10 آلاف دولار للطالب في السنة يعني عاوزين 250 مليار دولار علشان أعمل التعليم ده فى التعليم الأساسي والجامعى حاجة تانية.. أنا حولتهم لجنيه قلت نديهم 250 مليار جنيه طيب هل الموازنة تقدر تعمل كده؟”.
تابع الرئيس السيسي: “60 ألف فصل بيتكلف 60 مليار جنيه من غير تشغيل، فيه مدرسين وأطقم لخدمة المدرسة وكهرباء وميه بنتكلم في 60 الف مدرسة..طيب لو عاوزين مليون جنيه لرفع كفاءة كل مدرسة يبقا عاوز 60 مليار.. طيب لو مش موجودة حد يقولك المدرسة دي يا عم انت بتتكلم في ايه؟”..انتوا مش عارفين يعني ايه دولة وبتهدوا بلادكم.. الناس الغلابة لما حد يجي يتجوز من ولادهم يوضبوا بيتهم علشان الناس تشوفوا كويس.. يا ترى احنا بنعمل كده؟” طيب الفقير غلبان طيب.. الغني ما انت مبسوط ومستور.. بنحط تراب من غير ما نقصد ليه؟ دي ملامة ليكم ؟ لا.. انا بكلم كل المصريين.
وتطرق الرئيس عبدالفتاح السيسي لمشكلة الزيادة السكانية قائلا: “الزيادة السكانية عبدالناصر والسادات ومبارك الله يرحمهم اتكلموا فيها ومحدش حلها.. طيب ليه متحلتش.. يا ترى المؤسسات الدينية والتعليمية اشتغلت لحل هذا التحدى، كعقبة أمام نمو هذه الامة ولا لأ؟ هل رجال الدين عملوا كده؟، أنا عارف إن الله هو الرزاق بس في كل الفهم للأحاديث والنصوص بنتكلم في إطار قدراتك مش في إطار قدرات الآخرين، والدولة لأنها مش مسؤولة ومش من الصح إنها تصرف على الأسر، ده معناه دعوة لـ”لأ” مقصدتش كده.
أضاف الرئيس خلال الجلسة الختامية للمؤتمر الاقتصادي مصر 2022: “يا ترى كل اللى احنا قولناه هيقدر يلبي، وعمل قوة دفع هائلة لقدرات مالية للدولة تجابه ده؟ هقول نظرية متفائلة كل اللى انتوا قولتوا طبقناه إذا ملقتش دخل الدولة بيقفز ويتضعاف كل 3 أو 4 سنين على الأقل.
مازح الرئيس السيسي الدكتور مصطفى مدبولي قائلا: “اكتر واحد بيقاسي معايا هو الدكتور مصطفى، وكبرته قبل أوانه”.
تابع الرئيس: “اللى احنا فيه صعب قوي.. والرقم اللى انتوا جايين فرحانين بيه قوى والدكتورة هالة عندها ابتسامة جميلة أقولها يا دكتورة مش عاوزين نضحك قولولى كلام يقدر يحل أزمة البلد دي ويطلع بيها لقدام ويبقا ليها مكانة وسط الأمم..اوعوا تفتكروا إن اللى بينجح ويجيب 90 % في الثانوية العامة كده، لازم يذاكر ويشقا ويتحرم من الراحة وكل حاجة علشان يجبب النتيجة دي..عاوزين البلد تطلع لقدام لازم كلنا نحشد ونشتغل”.
