السيسي يذكّر المصريين بحصار النبي والمسلمين في شعاب مكة 3 سنوات

كتب: وراء الاحداث

دعا الرئيس عبدالفتاح السيسي الإعلاميين والكُتاب كلًا في موقعه إلى التحلي بمسؤولية الكلمة وتشكيل وعي المواطنين، قائلًا: «أنت كإعلامي أو على مواقع التواصل انتبه! أنت مسؤول».

وأضاف الرئيس السيسي، خلال افتتاح مشروع «مستقبل مصر» للاستصلاح الزراعي، اليوم السبت: «أنت اللي بتعمله ده الهدف منه إنك تحافظ، إوعى من غير ما تقصد تلاقي نفسك بتدمر وتضيع، إوعى هيبقى الذنب في رقبتك كبير أوي».

تابع الرئيس: «إنت في النهاية بتشكل وعي وفهم قد يكون غير دقيق أو غير حقيقي، وبالتالي تحرك الناس في اتجاه مش مظبوط. أنا مبقلقش لما حد بيقول كيلو البامية بـ100 جنيه؛ لأن المصريين أوعى (أكثر وعيًا) بكتير من كده، لكن إنك تعمل ده وتتكلم فيه وكأنه حالة ده مش صحيح».

وذكر الرئيس السيسي قصة حصار النبي محمد «ص» في شعاب مكة، قائلًا: «النبي محمد حبس وحوصر في شعاب مكة 3 سنوات، وكان سيدنا جبريل بينزل عليه بالوحي، لا الصحابة قالوا له والنبي جبلنا ناكل ولا الميّه تتفجر من تحتنا، ده ربنا بقى كن فيكون».

أضاف الرئيس: «النبي والصحابة قعدوا 3 سنين لدرجة إنهم وصلوا ياكلوا ورق الشجر».

وختم الرئيس قائلًا: «إحنا مش كده، إحنا أصلب من كده بكتير».

وجه الرئيس عبدالفتاح السيسي رسالة إلى المشككين في جدوى المشروعات القومية، قائلًا: «متفرغوش مضمون عمل كان فيه توفيق من ربنا، خايف نكون إحنا جاحدين مع كرم ربنا علينا، الدولة كان فيها إرهاب وتحديات وعقبات ولكن ربنا موجود ومفيش كلمة هتتقال من غير حساب من الله».

وأضاف السيسي، خلال افتتاحه مشروع «مستقبل مصر» للإنتاج الزراعين اليوم السبت: «الإفك علينا والبهتان مش هيعدي كدة، وكل مسؤول في الدولة يُساء إليه أو يُقال في حقه كلام كذب دي صدقة جارية له. وكل مسؤول تعرض للإساءة بأي شكل سيجد ذلك أمام الله. انتو فاكرين الحكاية مع ربنا هتعدي كده».

وتابع: «الذي حدث في مصر خلال السبع سنوات الماضية لم يبنى على هوى شخصي ولا هوى الحكومة، لكن تمت دراسته وتصوره من كبار المتخصصين، مكنش ينفع نبني خطوة ملهاش أساس ليها».

وواصل الرئيس: «أنا مش جاي ارد هنا على الكلام، البيانات متوفرة، وكلها موجودة على مواقع الحكومة والمهم اللي يدخل يجمع البيانات يكون فاهم وعنده وعي».

وجه الرئيس عبدالفتاح السيسي بدراسة إنشاء أسواق داخل نطاق القاهرة والجيزة بهدف السيطرة على الأسعار، مؤكدًا على مسؤولية الدولة فيما يتعلق بضبط الأسعار قائلًا: «إحنا كدولة مسؤولين عن إبقاء أسعار المنتجات تحت السيطرة ما أمكن حتى نهاية هذا العام».

وقال السيسي خلال افتتاح مشروع «مستقبل مصر» للإنتاج الزراعي، السبت: «جهدنا مع بعض كمؤسسات ومجتمع مدني مع الغرف والأسواق لا ينتهي حتى تنتهي الأزمة بتداعيتها».

وأضاف: «كنت اديت توجيه إن احنا ندرس الأراضي الفاضية، تقدر تستوعب السوق ده واحنا مستعدين نتحرك في برنامج سريع ونتيح لتجار الجملة الدخول فيها، يبقى بدل ما يودي الحاجة بتاعته في سوق الجملة في العبور مثلًا لا تيجي الحاجة بتاعته على هنا على طول».

وأوضح: «أنا بقول نعمل 10-15-20 سوق زي كدا في القاهرة والجيزة بالمناطق الفاضية بس بشرط أنا عملتلك ده كله عشان أنت تجيب هامش الربح قليل.. أنت عايز تخلي الرقابة على الأسواق وتخلي التجار ميغالوش في أرباحهم استغلالًا للظروف لازم تعمل زيادة في المعروض غير تقليدية.. إزاي بالأسواق دي»، مضيفًا: «أنا مواطن موجود في مدينة نصر أتحرك لغاية هناك أشتري أقل من التجزئة وبالتالي التجزئة.. قدامه حل من الاتنين يا يظبط سعره يا يظبط سعره».