مدبولي: إنشاء 70 ألف وحدة سكنية بحدائق العاصمة تناسب محدوي ومتوسطي الدخل

كتب : وراء الاحداث

قال الدكتور مصطفى مدبولي رئيس مجلس الوزراء، في مؤتمر صحفي من حي حدائق العاصمة، بالعاصمة الإدارية الجديدة، «خليني أتوقف هنا إن الحي ده كل الوحدات اللي فيه والبالغ عددها 30 ألف وحدة، جاءت بمساحة 90 مترا، اللي هي كانت دائما النمط اللي احنا متعودين ننزله في برنامج سكن المصريين، أو اللي كنا بنقول عليه قبل كده الإسكان الاجتماعي».

وأضاف «مدبولي»، خلال المؤتمر عرضته قناة «إكسترا نيوز»: «لكن جنبًا إلى جنب بننشء 70 ألف وحدة سكنية في نفس المدينة هنا على مشارف الحي، بنتكلم في 100 ألف وحدة سكنية، هتتراوح مساحاتها ما بين 75 مترا و90 مترا و110 و120 مترا، كلها تخدم فئات محدوي ومتوسطي الدخل، وهما دول اللي احنا بنتكلم عليهم، الشباب المصري الجديد الذي يرغب في التمتع بجودة حياة عمره ما كان يحلم أو يتخيل إنه يكون موجود فيها».

وتابع رئيس الوزراء: «كنت سعيدا جدًا واحنا بنتفقد المدينة، الولاد بالعجل والأسر بتتحرك، لأنهم خلاص استلموا الوحدات السكنية في هذه المدينة، هو ده النمط اللي الرئيس بيقولنا عاوزينه في كل حتة في مصر، وهو ده المعيار الحقيقي اللي بنخدم بيه المواطن، إنه يبقى عنده أمل إن أي شاب ياخد وحدة سكنية بسعر معقول جدا وبتقسيط على مدى زمني يصل لـ 20 و25 سنة، وبتكلفة مقبولة يقدر يعيش بيها، بدل ما كان البديل عنده السكن غير الآمن أو السكن العشوائي».

قال الدكتور مصطفى مدبولي رئيس مجلس الوزراء، إن الحكومة اتخذت  قرارات مهمة الأسبوع الماضي، تتضمن بعض التيسيرات الخاصة بالقطاع الصناعي، «الحقيقة يمكن وافقنا على مجموعة من الإجراءات برفع الغرامات والفوائد فيما يخص بعض التأخير اللي حصلت لقطاع الصناعة في إنشاء وإكمال منشآته الصناعية، وعملنا مجموعة من القرارات المهمة اللي تؤكد إن احنا طالما المُصنع أو الصانع اللي بينشأ مصنعه، مش هو اللي كان مسؤول عن التأخير في عملية الإنشاء ولا استخراج الرخص فبالتالي يأخذ كل المدد الزمنية اللي حصل فيها تأخير خارج عن إرادته».

قال الدكتور مصطفى مدبولي رئيس مجلس الوزراء، في مؤتمر صحفي من حدائق العاصمة، إنه يتحدث من قلب أول حي متكامل من العاصمة الإدارية الجديدة، في أقل من 18 شهرا «هو جزء من برنامج الرئيس عبد الفتاح السيسي، سكن لكل المصريين، مكون من 30 ألف وحدة سكنية».

وأضاف «مدبولي»، خلال مؤتمر عرضته قناة «إكسترا نيوز»،: «30 ألف وحدة سكنية، عشان نبقى بس حاسين بالرقم، كان بيبقى إجمالي ما يمكن أن تقوم به الدولة المصرية سابقًا في سنة واحدة قبل 2014، كان هو ده المتوسط، إحنا مجرد عملناه في حي واحد من واحدة من المدن اللي الدولة المصرية كلها بتبنيها لشبابها ومحدودي الدخل ومتوسطي الدخل».

وتابع رئيس مجلس الوزراء: «هذا الجزء من المشروع، حي متكامل، شوفنا كل الخدمات اللي موجودة النهاردة، ويمكن أثناء الزيارة وجهت كل الوزراء المعنيين ببدء تشغيل كل الخدمات اللي موجودة سواء وحدات صحية ومدارس وملاعب وكل المنشآت اللي موجودة».