السيسي «لو مش عايزني ما عنديش مشكلة.. مستحيل أقعد من غير إصلاح» …عن اتهامات «هدم المساجد»: يارب تبقوا زينا في عمل حساب لربنا
كتب : وراء الاحداث
تحدث الرئيس عبدالفتاح السيسي، صباح السبت، عن تطوير محور المحمودية في الإسكندرية.
قال الرئيس عبدالفتاح السيسي، رئيس الجمهورية، إن مشروع محور تنمية المحمودية سيصل إلى محافظة البحيرة .
وقال «السيسي» مشيرًا لصور المحور القديمة: «الصورة الموجودة بتفكرنا بوضع المحمودية أو الترعة قبل التطوير، الناس كانوا رافضين التطوير، بما فيهم الناس اللى في سوق وكالة الحضرة، إحنا طمنّاهم إن هنعملكم سوق متطورة».
وأضاف خلال افتتاح عدد من المشروعات القومية: «عاوز أقولكم في كل مشروعاتنا هتجدوا تشكيك وناس بتتكلم بشكل سلبي، هدف المشروعات المصلحة للكل، النهارده المحور بيدي حرية حركة كبيرة، ده المحور الرابع من محاور الإسكندرية. محمور المحمودية هيوصل للبحيرة».
وأضاف «السيسي» على هامش افتتاح مشروعات قومية بالإسكندرية: «أزلنا 30 مسجدا وبنيناها مرة تانية، كانوا بيقولوا إننا بنهد مساجد ربنا، هو إحنا بنهدها علشان كارهين ولا علشان نعمل مصلحة وتنمية».
قال الرئيس عبدالفتاح السيسي إن الدولة المصرية لن تغيب مرة أخرى.
وأضاف «السيسي»، على هامش افتتاح عدد من المشروعات القومية في محافظة الإسكندرية: «ما ينفعش الدولة تغيب تاني، لو غابت تاني، يبقى بتأجلوا التطوير 100 سنة، وأنا ما أقدرش أقبل كده، الناس هتبقى زعلانة ومتضايقة، لو مش عايزني أبقى موجود هنا ما عنديش مشكلة، مستحيل أبقى في مكان وأسيب الإصلاح بما يرضي الله».
وتابع «السيسي»: «القنوات المسيئة اللي عايزة دايما تكلمكم كلام مايرضيش ربنا بس هم والله ما يعرفوا ربنا، بقى إحنا بنهد جوامع ربنا؟ أستغفر الله العظيم، يارب تبقوا زينا في عمل حساب لربنا».
واستنكر السيسي: «القنوات المسيئة بيقولوا شوفوا المصريين بيهدوا جوامع ربنا، طب يارب تبقوا زينا في إنكم تعملوا حساب لربنا، انتوا بتخربوا في الشعوب، لكن إحنا بنبني ونعمر، كنا بنتعاير بفقرنا ويقولك شوف خيبتهم عاملة إزاي».
وجرت فعاليات افتتاح الرئيس عبدالفتاح السيسي عددا من المشروعات القومية الخاصة بالبترول بمحافظة الإسكندرية ومحطة معالجة الصرف وتطوير محور المحمودية وبشائر الخير.
