السيسي: «عايز 250 مليار دولار علشان أحل مسألة جودة التعليم»

كتب : وراء الاحداث

قال الرئيس عبدالفتاح السيسي، إن دولة بحجم مصر تحتاج تريليون دولار كموازنة كل عام.

وأضاف خلال جلسة جوارية على هامش فعاليات القمة العالمية للحكومات، الاثنين، «علشان أحل مسألة جودة التعليم عايز 250 مليار دولار عشان أوفر عليكم الحسابات كل طالب عشان يتعلم كويس عايز عشر ألاف دولار».

وأوضح: «طب أنا معنديش الرقم ده وفي نفس الوقت مقدرش أخل بالتزماتي تجاه المواطن، أولادي الصغيرين وأحفادي يمكن إن هم يدخولوا المدرسة ويتعلموا»، مضيفًا: «كنت دائمًا أقول ده للناس اللي بتسمعني، بقول دولة زي مصر عايزة تريليون دولار تصرفهم موازنة كل سنة يعني ما يقرب من 20 تليليون جنيه».

وتابع: «طب هل المبلغ ده متاح؟ لا، طب نصه متاح؟ لا، طب ربعه متاح؟ لا، مش متاح كل دولة ولها ظروفها».

قال الرئيس عبدالفتاح السيسي، إن مصر كادت أن تضيع خلال أحداث عام 2011، كما تعرضت كثير من الدول في المنطقة، موضحًا «ومحدش نجا إلا مصر».

وأضاف، خلال جلسة حوارية على هامش فعاليات القمة العالمية للحكومات، الاثنين، أن التحدي الأول بعد أحداث 2011 كان يتمثل في حالة من التشرذم والتفكك وفقد الأمل واليأس التي كان يعاني منها المصريون، موضحًا أنها حالة ليست وليدة 2011 فقط، «ده منهج اتعمل على مصر من ناس جوه مصر بفكر معين عشان متهيألهم إن الدولة لما تقع هتبقى في إيدهم، ميعرفوش إن الدولة لما تقع مبترجعش تاني».

كشف الرئيس عبدالفتاح السيسي سبب وضع الدولة المصرية تحدي الطاقة ضمن أولوياتها، مؤكدًا أنه لا بد من التواصل المستمر مع الشعوب وإيضاح الصورة بشكل مستمر.

قال الرئيس عبدالفتاح السيسي، إن مصر كانت تواجه عددًا من التحديات بعد أحداث عام 2011، إلى جانب حالة اليأس التي أصابت المصريين، والتى تتمثل في تحدي الطاقة.

وأضاف الرئيس، خلال جلسة حوارية على هامش فعاليات القمة العالمية للحكومات، الاثنين: «تحدي الطاقة يعني إيه؟.. كان عندي مشكلة كهرباء وغاز وبوتاجاز، طب ده معناه إيه؟.. معناه لما آجي أقولك إن أنا صرفت على قطاع الكهرباء في مصر ما يقرب من 1.8 تريليون جنيه تقولي هو مكانش في مشكلة كهرباء»، مضيفًا: «المتابعون للشأن العام في مصر يقولك إيه إنتم صرفتوا فلوس كتير في البنية الأساسية والمشروعات القومية.. طب هو أنا كان عندي فرصة؟، والكلام ده أنا قولته لوزير الكهرباء عندما توليت المسؤولية في 2014، قولتله إنت متصور إنك إنت السنة الجاية الكهرباء دي متتحلش إللى بقالها 7 سنين، لو متحلتش البلد دي هتخرب وتضيع».