السيسي خلال جولته بالأكاديمية العسكرية المصرية يطمن المصريين الحكومة تعمل على مجموعة إجراءات وحلول لتخفيف آثار الأزمة الاقتصادية
كتب : وراء الاحداث
تحدث الرئيس السيسي، خلال جولة تفقدية في الأكاديمية العسكرية المصرية، قائلا عن ملف الكهرباء: “لما بنتكلم عن الكهرباء إحنا محتاجين 18 ألف طن مازوت يوميا علشان نشغل المحطات بكامل طاقتها علشان توفر الطاقة في ظل درجات الحرارة المرتفعة.. بنتكلم في أكثر من نص مليون طن مازوت في الشهر.. سعرهم حوالي 300 – 350 مليون دولار.. ده غير الغاز اللى إحنا ربنا سبحانه وتعالي الإنتاج منه بيقدم جزء كبير من الاحتياج للغاز الطبيعي.. ولو لا الإنتاج بتاعنا كنا هنكون في أزمة كبيرة”.
وأضاف الرئيس السيسي: “الحمد لله رب العالمين.. حبيت أني اطمئنكم.. وقد تكون الأسعار بتاعت السلع مرتفعة وده أمر محل تقدير.. والحكومة تعمل على مجموعة إجراءات لتخفيف آثار هذه الأزمة”.
واشار الرئيس عبد الفتاح السيسي عن حلول للأزمة الاقتصادية الحالية، قائلا: “لما بنتكلم عن فاتورة الاستيراد من الخارج السنوية سواء من سلع أو مواد بترولية أو مستلزمات مختلفة أو أدوية.. الاحتياجات الضرورية الأساسية بنتكلم في رقم كبير أوي.. طول ما الرقم الكبير إحنا مش قادرين نوفره بالعمل والتصدير وتوفير بدائل له جوه مصر.. هنفضل نعاني.. لازم الموضوع ده نتجاوزه”.
وأضاف الرئيس السيسي، خلال جولته بالأكاديمية العسكرية المصرية: “نعمل على توفير العملة الصعبة ولن نتوقف عن توفير احتياجاتنا من السلع.. ولما بنتلم عن 3 – 4 ملايين فدان إنتاج زراعي.. ده رقم كبير أوي علشان يقلل جزء من فاتورة استيراد السلع الغذائية.. خلال سنة كمان بالكتير هنكون دخلنا على خريطة سيناء أكثر من 450 ألف فدان وفى الدلتا حوالي 2 مليون فدان.. وشرق العوينات وتوشكي بنتكلم في حوالي مليون فدان بالإضافة إلى مناطق أخري”.
وشدد الرئيس عبد الفتاح السيسي، إن الدولة المصرية لم تتوقف أبدا عن العمل، متابعا: “إحنا في تطور مستمر وهو ده حال البشرية والناس.. ومهم أوي أطمنكم على حالنا.. وكنت في السلوم من كام يوم.. ومهم أكد دايما أن إحنا لم نتوقف أبدا عن العمل وزي ما قولت هناك وبقول لكم.. إحنا في عمل مستمر على كل شبر في أراضى مصر”.