السيسي «المسؤولين نوعين.. يا رجال مظبوطين يا حاجة تانية» «اللي مش هايقدر يحقق الانضباط يقول سلام عليكم ويمشي»
كتب : وراء الاحداث
استنكر الرئيس عبدالفتاح السيسي تعديات ومخالفات البناء، وقال: «لن أسمح إن إحنا نهد بلدنا ونضيعها، لو الأمر لزم هخلي الجيش المصري ينزل قرى مصر، يا نوقف ونبقى كويسين، يا أسيب مكاني وأمشي، وأي حد يستلمها يخربها».
وجه الرئيس عبدالفتاح السيسي، رسالة للمحافظين والمسؤولين بالدولة فيما يتعلق بمخالفات البناء والتعديات على أراضي الدولة، وقال: «بقول للمحافظين والمسؤولين، اللي مش قادر يحقق الانضباط في موضوع التعديات والمخالفات، بصراحة قولي ده موضوع أنا مش قده وسلامو عليكم.. المسؤولين نوعين، يا رجال مظبوطين يا حاجة تانية».
وأضاف السيسي، خلال افتتاح عدد من المشروعات القومية في الإسكندرية، اليوم، السبت: «أنا بعترف إحنا معندناش مؤسسات تتابع ده، لكن دلوقتي في خطة واضحة، وتخطيط بيقول إن في ارتفاعات محددة وفراغات محددة».
وأضاف السيسي، خلال مداخلة على هامش افتتاح عدد من المشروعات القومية في الإسكندرية، السبت: «أنا مش عارف أعمل إيه.. انتوا بتعملوا كده ليه؟، أنا بتألم وبتعذب كل يوم، لو عاوز تبني، قولي وأنا هاخطط وابني لك، بقول للسادة المحافظين، اللى مش هايقدر يحقق الانظباط، يقول السلام عليكم ويمشي».
وتابع السيسي: «أنا هزيل إيه ولا إيه!، حتى النهارده وأنا جاي بالطيارة، في ناس بتتعدى وتبني، أنتوا بتعملوا كده ليه؟ مش هاممكم بلدكم؟».
كرر الرئيس عبدالفتاح السيسي، اليوم السبت، حديثه عن مخالفات البناء، وقال: «لا يمكن كدولة أن نبني عشوائيًا أو نسيب مخالفات البناء.. مش هايحصل».
وأضاف السيسي، خلال مداخلة على هامش افتتاح عدد من المشروعات القومية في الإسكندرية، «حجم المخاطر بتاعة البناء العشوائي والتعدي على أراضي الدولة كبير جدًا، إحنا بنتعامل كدولة منضبطة».
طالب الرئيس عبدالفتاح السيسي المصريين بالتوقف عن التعدى على أراضي الدولة، قائلاً: «لو سمحتوا متخربوش الدنيا، كنا بنقول الدنيا مش مظبوطة لحد 2011، لكن أنا مش هسمح الوضع ده يستمر، إحنا كنا في العشرينيات والثلاثينيات أحسن من دلوقتي».
وتابع السيسي، خلال افتتاح عدد من المشروعات القومية، السبت: «أنا أقبل انك تبني، بس أنا اللى أخطط وتبقى الأمور واضحة، إزالة التعديات ومخالفات البناء هاعتبره تحدي وتكليف للحكومة، اللى ما يقدرش يتصدى لمشاكل بلده يسيب مكانه».
