السيسي: «الدولة والشعب حاجة واحدة.. ورهاني على الشعب كسبان»
كتب : وراء الاحداث
قال الرئيس عبدالفتاح السيسى إن هناك من يستغل المواقف الصعبة من أجل تشكيك المصريين في ما يتم تنفيذه من إنجازات.
وأضاف السيسي، خلال كلمته في افتتاح عدد من المشروعات البترولية في مسطرد: «رهانى على الشعب أنه متفهم ومقدرين وتتحملوا ما يتم تنفيذه، واللى بيتعمل بيتعمل بالمصريين، هي الدولة حاجة وشعبها حاجة تانية؟، الدولة والشعب حاجة واحدة، إحنا بنجرى وأنا رهانى على الناس، والحمد لله رب العالمين، خلال السنوات الماضية كان الرهان كسبان».
وتابع: «بنصلح في الأرض، لو بفسد في الأرض هبقى خايف لأن مش هيبقى معايا ربنا، نحن نعمل في مسار إصلاح وتنمية وتعمير، لأن الدولة تحتاج إلى هذا، الإصلاح الاقتصادى لم يكن سهلا، وبفضل الله عدينا منه وحققنا إنجازات الدنيا كلها بتتكلم عليها، وأنا بقول بفضل الله قدرنا نواجه الاقتصاد المتعثر والسياحة».
قال الرئيس عبدالفتاح السيسي إنه لا أحد يستطيع خداع المصريين بالكلام.
وواصل السيسي حديثه، خلال افتتاحه عددًا من المشروعات البترولية في مسطرد: «ماحدش يقدر يخدع الناس بالكلام، نحن نسير في مسار تنمية وإصلاح، وهنفضل كده على طول، وكمان الناس متفهمة كده، هو الإصلاح الاقتصادي كان سهل، عملنا إنجازات الدنيا كلها بتتكلم عليها، بفضل الله».
وأكمل السيسي: «وعينيا هي السلاح ضد كل المحاولات لهدم الدولة المصرية».
وتابع الرئيس: «بسبب الأحداث التي مرت بها البلاد، هناك مشروعات انهارت وتوقفت ودخلت في مرحلة خسارة وأصبحت خارج قدرات اتخصمت من الناتج المحلي للدولة، بقيت لا تشتغل».
واستطرد: «بقول لكل الناس كل حاجة مبنية في العالم وفي مصر بتكون على أساس إنك تحقق الاستقرار والأمن، ساعتها هيجيلك المستثمرين لأن البلد دي مستقرة».
قال الرئيس عبدالفتاح السيسي، إنه في إطار توسع الدولة في إنشاء كباري، هناك هدف أساس وهو الحفاظ على شكل حركة السير أسفل تلك الكباري.
وتابع السيسي «نحافظ على شكل الحركة أسفل الكوبري، حيث أن الفاصل بين الكوبري والعمارات قليلة لذلك نحافظ على الحركة ولا تتوقف».
وتابع: «نفذنا 22 كوبري في 6 أشهر فقط، داخل كتلة سكانية صعبة، وسط السكان ومصالح».
