السيسي: الجيش مركز الثقل الحقيقى لمصر والمنطقة

كتب : وراء الاحداث

جدد الرئيس عبد الفتاح السيسي التأكيد على أن من يريد إسقاط الدولة يسعى لتشويه وإضاعة القيمة العظيمة التى يقوم بها الجيش المصري، قائلا: يجى حد عايز يشوهكم (الدولة) ويخوفكم ويقلقكم و يضيع القيمة العظيمة اللى بيعملها جيش مصر! دا جيش مصر اللى هو مركز الثقل الحقيقى ليس فى مصر فقط بل المنطقة كلها.

جاء ذلك خلال جلسة تقييم تجربة مكافحة الإرهاب محليا وإقليميا للمؤتمر الوطنى الثامن للشباب، اليوم السبت، بمركز المنارة للمؤتمرات بالقاهرة الجديدة، بمشاركة الرئيس عبدالفتاح السيسي.

وشدد الرئيس على أن مكافحة الإرهاب تكبد الدولة بشكل كبير جدا الكثير من الارهاق والخسائر المادية والبشرية،  مضيفا “إحنا بقالنا 6 سنين بنكافح الإهاب، وتكبدنا تكاليف كبيرة جدا جدا ولا إكمننا مبنكلمش عنها، واليوم بيكلف كام فى سينا“.

 وتابع “أنا في النهاية بقى عاوز أوقع مصر .. طيب أوقعها ازاي .. ازاي أوقعها والدولة ماشيه بالطريقة دي .. مش هتقع مصر إلا لما جيشها يقع …طيب ما في 2011 وكل المؤامرة اللي اتعملت كانت اتعملت على وزارة الداخلية ووزارة الدفاع  .. ليه .. علشان دي مراكز الثقل التي تستطيع أن تحمي الدولة من السقوط في أيدي هذه القوى ..تستطيع ..طيب منجحش .. طيب ندخل  ونجرب ونقود الدولة .. طيب لما نيجي نقود الدولة ونفشل  في قيادتها فشل ذريع جدا .. ليه ..وأنا قولت الكلام  قبل كده .. انت متعلم حاجة واحده بس ..متعلم حاجة واحدة.. وعلوم بناء قيام الدول ..دي قصص تانية خالص ..  الكلام اللي انا بقوله ده قولته لكل القوى السياسية والدينية اللي انا قابلتها وأنا مدير المخابرات الحربية  .. قلت لهم معندكمش  مركز دراسات واحد .. معندكمش .. فانتو ازاي  هتبقوا جاهزين لادارة دول ..وانتو حتى الفكرة والعلم وعلم الدول مش مهتمين بيه “. 

ويشارك فى المؤتمر، الذى يستمر ليوم واحد، 1600 شاب من مختلف القطاعات فى الدولة.

وينقسم المؤتمر لـ 3 جلسات؛ تتناول الجلسة الأولى تقييم تجربة مكافحة الإرهاب محليا وإقليميا، والثانية حول تأثير نشر الأكاذيب على الدولة فى ضوء حروب الجيل الرابع، وتختتم أعمال اليوم بجلسة اسأل الرئيس.