أخبار مصرعاجل

الرئيس السيسي: الدولة لديها استعداد تام للشراكة مع القطاع الخاص ويؤكد “مش عاوزين نتكلم كتير فى موضوع الأكل.. اطمنوا كل حاجة متوفرة”

الرئيس السيسي: منظومة التغذية المدرسية مستقرة ومؤمنة

الرئيس السيسي: الدولة لديها استعداد تام للشراكة مع القطاع الخاص ويؤكد “مش عاوزين نتكلم كتير فى موضوع الأكل.. اطمنوا كل حاجة متوفرة”

الرئيس السيسي: الدولة لديها استعداد تام للشراكة مع القطاع الخاص ويؤكد "مش عاوزين نتكلم كتير فى موضوع الأكل.. اطمنوا كل حاجة متوفرة"
الرئيس السيسي: الدولة لديها استعداد تام للشراكة مع القطاع الخاص ويؤكد “مش عاوزين نتكلم كتير فى موضوع الأكل.. اطمنوا كل حاجة متوفرة”

كتب : وراء الاحداث

شدد الرئيس عبدالفتاح السيسي، على الاستعداد الكامل لجهاز الخدمة الوطنية للشراكة مع القطاع الخاص، مؤكدا أن الدولة لديها استعداد تام للشراكة أيضا مع القطاع الخاص بكل مؤسسات وشركات القطاع العام، معلقا: ” الامر ده متاح علشان يصل لكل الناس واللى عنده استعداد يخش في شراكة مع الدولة”.
وأضاف الرئيس السيسي خلال افتتاح المرحلة الثانية لمصنع سايلو فوودز للصناعات الغذائية بمدينة السادات في محافظة المنوفية: “منزلين شركتين للأطروحات ومستعدين ننزل كل الشركات”.
وجه الرئيس عبدالفتاح السيسي، رسالة طمأنة المصريين، حول استقرارالمخزون الاستراتيجي للسلع مدة 6 أشهر، رغم الأعباء المالية الكبيرة.
قال الرئيس السيسي خلال افتتاح مصنع سايلو فوودز للصناعات الغذائية بمدينة السادات: “مش عاوزين نتكلم فى موضوع الأكل كتير فى التليفزيون.. ميصحش.. الحاجة موجودة واحنا شفافين جدا معاكم وصادقين جدا وبنقولكم كل حاجة.. موسم القمح والرز والبنجر والقصب ده معناه حتى لو انت شايف 4.5 شهور للقمح ده معناه أن الإنتاج القادم ده بيسلم ده ومحافظين على 6 شهور.. رغم ان ده بيكلفنا أعباء مالية.. ومعناه حجز فلوس لمدة 6 شهور.. يعني بشترى وأحطهم في المخازن.. ده اللى احنا بنعمله وتكلفة كبيرة جدا في ظل اللى بيحصل في العالم كله.. لكن لا باس مستمرين على موقفنا رغم الظروف الاقتصادية الصعبة اللى بتقابلنا”.
قال الرئيس السيسي، “لما اتكلمنا عن الوجبات المدرسية كان العدد المستهدف معين ولما اشتغلنا زدنا 2 مليون”.
قال الرئيس عبدالفتاح السيسي، “إن منظومة التغذية المدرسية مستقرة ومؤمنة.. ومفيش مشكلة في الكلام اللى كان قبل كده.. .. بنحاول تكون عناصر التغذية مناسبة لسن الطلبة وعاوزين نحسن مش باكو بسكوت بس”.
وأضاف الرئيس السيسي خلال افتتاح المرحلة الثانية لمصنع سايلو فوودز للصناعات الغذائية بمدينة السادات في محافظة المنوفية: “إذا كنا عاوزين نحقق توازن في أسعار المنتجات الغذائية لكل المواطنين محتاجين يكون عندنا عدد أكبر من الكمية المطروحة.. والمنتجات بتبقا طبقا لمواصفات ومعايير الصحة العالمية وهيئة سلامة الغذاء.. و لا يمكن إقرار أى شركة والتعاقد معها إلا إذا تم إقرارها من هيئة سلامة الغذاء”.
تقع “سايلوفودز” فى مدينة السادات بإجمالى مساحة تبلغ 346 ألف متر مربع، تشمل عددا من المصانع على أحدث طراز يستخدم فيها أحدث التقنيات والمنشآت الصناعية عالية التقنية، كما تضم مساحة واسعة للتخزين والتى يتم إدارتها بمنظومات عالمية هى الأكثر تطورا من كبار الموردين الدوليين، وتشمل أيضا 14  صومعة للحبوب، ومجمع طباعة شاملا لتغليف المنتجات الصديقة للبيئة لضمان تلبية متطلبات كل مستهلك لمنتجات صحية وعالية الجودة وآمنة.
اظهر المزيد

مقالات ذات صلة

زر الذهاب إلى الأعلى
error: Content is protected !!