السيسي يدير حوارا مفتوحا مع المواطنين بالأسمرات دايما بقول للمسئولين محتاجين برامج مخلصة أنا رجل بسيط زيكم طالما الناس فى أحسن حال يبقى حلمى ماشى فى طريقه ..شرف لينا أننا قررنا ننقلكم للأسمرات بفلوس مصر

كتب : وراء الاحداث

أدار الرئيس عبد الفتاح السيسي، حوارا مفتوحا مع المواطنين بالأسمرات.

قال الرئيس عبد الفتاح السيسى :”كل سنة تقريبا منذ أن توليت المسئولية حتى الآن عدد الشقق التي تبنيها الدولة 2 مليون وحدة، وممكن يكون ربعهم أو أكتر يعملهم مطورين عقاريين غير المساكين اللى بيعملها الأهالى، وده فرص عمل، وهى مهن مرتبطة بالبناء، وهنا النقاش لنا كلنا أنت بتعمل ده ليه، أنا بخلق فرص عمل للناس دون أن أدخل في موضوعات معقدة”.

وأضاف الرئيس السيسى، خلال حوار مفتوح مع أهالى الأسمرات: “لو بعمل النهاردة مشروعات مثل البنية الأساسية المواد بتاعتها في الغالب موجودة في مصر، بتشغل مصانع كتير، وتشغل ناس كتير في الموضوع، وماشيين في سكة شغل تانى، أنت تريد 700 ألف فرصة عمل في السنة، وده اللى بيتخرجوا من الكليات، وفيه كتير من الدبلومات، وبالتالى حوالى مليون فرصة عمل في السنة، وهذا رقم ضخم جدا، ودول عملاقة لا تستطيع أن تفعل ذلك”.

وتابع الرئيس السيسى :”نسبة البطالة 7,4 % وهى نسبة بالنسبة لدول كتير في ظل الأزمة الاقتصادية هي نسبة جيدة للغاية، ونريد أن نقللها، ونعمل فرص عمل أكتر من ذلك، ولابد أن نثق أن بصبرنا وجهدنا وإخلاصنا وأمانتنا، وشرفنا أن المسيرة ستكلل بفضل الله بالنجاح بفضل الله سبحانه وتعالى”.

قال الرئيس عبد الفتاح السيسى إنه لم يكن هناك حل أخر أن نترك مصر بعد أحداث 2011، إلا أن نغير الوضع ونجرى عليه، ويجب أن نضع في الاعتبار من 2011 إلى اليوم حوالى أكتر من 11 سنة زيدنا حوالى 20 مليون وده ورقم كبير.

وأضاف الرئيس السيسى، خلال حوار مفتوح مع أهالى الأسمرات:  “زيدنا 2 أو 2,5 مليون سيارة، والدولة يجب أن تتحرك بمعدلات نمو كى تعوض النقص الذى كان موجودا والعجز اللى كان موجودا في مرافقها”.

وتابع الرئيس السيسى:”حياة كريمة شغالين في المرحلة الأولى، نتمنى أن ننتهى منها، وهناك مرحلتين آخرتين، ونتحدث عن 60 مليون إنسان نريد أن نحسن حياتهم”، موجها حديثه لأحد المواطنين قائلا: “عارف يعنى أيه إنسان البيت بتاعه الصرف الصحى فيه غير آدمى، ونحن لا نتحدث عن أسرة أو 100 أو 1000 بل ملايين، وكذلك في مياه الشرب والكهرباء، وكذلك باقى الأشياء التي نعملها”.

قال الرئيس عبد الفتاح السيسى ردا على إحدى السيدات وتدعى نعمة من أهالى الأسمرات: “دائما بقول للمسئولين عاوزين نعمل برامج مخلصة علشان انتوا أهلنا وأنا بتشرف أن أنتم أهلى وأنا راجل بسيط زيكم والبركة فى ربنا والشكر دايما موصول لله وهو اللى قدرنا نعمل ده”.

وتابع الرئيس السيسي: “بنقول لربنا شكرا لو حد فينا مش بيقرأ ويكتب ما نستخسرش نعلمه لو حد فينا بيستغل لازم يعلم اللى مش بيعرف مش عاوزين حد بينا فقير طول ما القلوب مع بعض ربنا هيساعد بأفكار ودعم، وربنا يقدرنا على كل حاجة جميلة واللى اتعمل مش بيا لوحدى بينا كلنا وكل المسئولين لهم دور فى هذا وبقولهم متشكرين ونشتغل أكثر”.

وأضاف الرئيس السيسى، خلال حوار مفتوح مع أهالى الأسمرات: “حلمى لم ينته، وأتمنى أرى كل المصريين وهما في أحسن حال”.

ووجه الرئيس السيسى رسالة للطفل يوسف عبدالله، أحد طلاب مبادرة جيل جديد: “كنت بمشى بشوف مناطق صعبة وأنا إنسان عادى زيك كده، وكنت أقول لو إيدى طالت هعمل، وده كان حلم وربنا أراد”.

وأكد الرئيس عبد الفتاح السيسي خلال مأدبة إفطار الأسرة المصرية، أن المشروعات الجديدة والتنمية لخلق فرص عمل للشباب، قائلا: “إحنا بنشتغل على توفير مليون فرصة عمل فى السنة”.