الرئيس السيسي: المنتزه متاحة لكل الناس من أول أنا ومفيش حد هياخد حاجة مش بتاعته وبنحافظ على تاريخنا

كتب : وراء الاحداث

تحدث الرئيس عبد الفتاح السيسي، عن تطوير منطقة المنتزه قائلا: “أنا عاوز أفكركم لما جينا نبدأ في المنتزه، ناس كانت بتقول هتعملوا إيه، وناس زعلت.. إحنا مش هنحرم حد أبدا، المنتزه مفتوحة لكل الناس ومتاحة للكل.. من أول أنا، ومفيش هياخد حاجة مش بتاعته.. لو بتاعته مش هقدر أنازعه في الملكية، الشاليهات اللى كانت موجودة أنت بتستخدمها أسبوع و2 في السنة دلوقتي مفتوحة للكل، تقريبا كل حاجة خلصت.. قصر السلاملك كان هينهار.. نرجع كل حاجة زي ما كانت.. ده تاريخنا”

وأضاف الرئيس السيسي خلال افتتاح محور أبو ذكرى بالإسكندرية: “كنت أتمنى إن اللي بيتقال عن تطوير المنتزه في مداخلات تليفزيونية وصفحات التواصل الاجتماعي.. التعليق على الوضع.. حط الصورة دي بالصورة القديمة.. وعمرنا ما هنعمل حاجة إلا كل خير.. مفيش إلا الخير.. اتفرجوا عليها لما نخلصها.. طب لمين.. الناس اللي موجودة في الإسكندرية.

وتابع الرئيس السيسي: “انتوا مستغربين.. عندنا حرص نرجع للأحسن.. مش كنا بنقول الكلام ده على شكل وصورة البلد من 80 و100 سنة.. طب لما تبقى معانا إحنا يبقي شكلها إيه.. ترجع تاني.. حتى لو مش هنضيف عليها نحافظ عليها.. أي حاجة بندخل فيها يعني بنعمل حاجة حلوة أوي والله.. انتوا مالكم خايفين ليه.. مش بنعمل أي حاجة “أي كلام”.. ومش أعرف “الأي كلام”.. وباين اتعودنا عليه.. والناس شكلها اتعودت على “الأي كلام”.

أكد الرئيس عبد الفتاح السيسي، أنه يسأل ويتأكد بنفسه من جمع القيمة الإيجارية في مشروعات الإسكان مثل بشاير الخير والأسمرات وغيرها، قائلا: “أسال على القيمة دي.. والناس ممكن تستغرب.. أقول أخبار الإيجار في مكان.. ألاقي الناس مش واخدة بالها.. أخد بالي أنا.. طب أنا واخد بالي.. ليه تتحول المنشآت دي نتيجة عدم الاهتمام والمتابعة للموضوع”.

وأضاف الرئيس السيسي، خلال كلمته في افتتاح محور التعمير الجديد “محور أبو ذكري” بمحافظة الإسكندرية: “ده شغل.. ده شغلنا كلنا.. مش بلوم حد.. ارجو أنه لما نسأل عليه نلاقي الأرقام دي موجودة في الصندوق.. ومش بس المحافظة والتضامن ولو قدرنا ندعمها ندعمها”.

وتابع الرئيس السيسي: “الموضوع فكرته أن اسر كانت موجودة في ظروف صعبة وكانت تعاني وحياتها كانت صعبة – يقصد المناطق الخطرة مثل بشاير الخير -.. وبنعمل ده للحفاظ عليهم.. الانفاق اللى اتعمل كتير وعاوزين نحافظ عليه.. المشروع كله داخلين على 300 ألف.. المتوسطات لو وصلت إلي 500 ألف.. يعني المبلغ 150 مليار جنيه.. دي ثروة كبيرة اوي.. لا تهدر نتيجة عدم الصيانة والمتابعة.. والمواطنين وأسرهم في النوادي والمدراس.. وتشغيل للسيادات.. الموضوع مش بينتهى”

شهدت فعاليات افتتاح عدد من المشروعات القومية الجديدة في محافظة الإسكندرية، بحضور الرئيس عبد الفتاح السيسي، عرض فيلم تسجيلي عن مشروعات “بشاير الخير”، التى حققت نقلة نوعية فى مجال الإسكان وتوفير سكن أمن وملائم للمواطنين فى محافظة الإسكندرية وغيرها.

وشهد الرئيس عبد الفتاح السيسي، افتتاح المرحلة الثالثة من مشروع “بشاير الخير 2” في منطقة غيط العنب بمحافظة الإسكندرية.